BARIGAAN TIMAHA LAHAA.

Waxa uu ahaa wiil dhalinyaro ah, ilaahay waxa uu ku manaystay timo wanaagsan. Balse waxa kaga dhacday bahasha ragga lagu salidday ee Bidaarta, Intii aanay bidaartu asiibin waxa uu iska qaaday Taswiir ama Sawir.  

Haddaba isaga iyo Haasaawihii hablaha ayay dhib kala qabsatay. Habluhu ma jecla ragga bidaarta leh, marka uu Gabadh u hasaawe tagaba waxay ku tidhaahdaa “Waar dee walal ninweyn oo bidaarle baa tahaye”. Markii dambe waxay Dani ku kaliftay inuu sii qaato sawiirkii uu timaha lahaa, “ Bal eeg  sawirkan  barigii aan timaha lahaaye, sidan baan u eekaaye”

Bidaari Sawir qaadasho kaagama go,do.

©Khalid idan

CAMBAARAYN CIDDA WADDA FALALKAN WAXSHINIMADDA AH.

Waxa maalmahan inagu soo badanaya, Falalka aan caadiga ahayn ee lagula kacaaayo Qaar kamidda Madaxda Xisbiyadda Qaranka.

Baalaayo Madax la qabto ayay leedahaye mijo la qabto malaha, markaa waxan odhan lahaa waa in meel looga soo wada jeesto shacab iyo dowladba.

Falalkan waxa wadda cid aan Nasteexo u ahayn Qarankan barakaysan iyo Xisbiyadda Tartamaya midna. Oo doonaysa in ay dhalinyaraddu isku dhacdo, oo taageerayaasha xisbiyaddu isku dhacaan.

Haddaba Maxaa inala gudboon Dhalinyaro Ahaan?
Waa inay dhalinyaraddu ka fiirsato waxan dhacaaya, oo aanay buun buunin, caadifadaynin, colaadna isku qaadin.
waayo waxani way iska dhammaanayaan oo waxyaabo ka waaweynbaa laga soo gudbay.

Siyaasiyiinta iyo xisbiyaddana waxaan leeyahay waa inaan la siyaasadaynin arimahan, cid gaarana lagu eedaynin, ilaa inta war saxa laga helaayo Cidda ka dambaysa.

ugu dambayn waxan illaahay uga baryayaa sxpkay Maxamed Siddiiq Dhamme iyo Barkhadba inuu ilaahay nabar gardarro uga dhigo.

WA BILAAHI TOWFIIQ

©Khalid Idan Yousuf

DAMBIGEEDAA BADNAA

Waxa la geeyay Magaaladda si uu wax u barto, Reerkoodu waxa uu ahaa reer guuraa. Waxbarashadda waxa uu ka bilaabay Dugsiga hoose dhexe, ilaa Heer jaamacadeed. Markii uu Jaamacadda dhameeyay waxa uu Fasax u tagay Reerkoodii. Reerku waxa uu dagan yahay meel tuulo ah oo reero badan ayay wada Dagan yihiin .

Markii uu Dhawr bilood halkaa canaaha Dhamayay , dadkuna Soo wada siyaarteen.Ayay Gabadh Dadkii tuuladda ka mid ihi Geeriyootay.Waxa loo diyaar garoobay Qodidii Xabaasha iyo diyaarintii xabaal qodka, markii la dheeyay xabaashii, waxa la Soo qaaday maydkii sidii caadadu ahayd. Misna Waxa la bilaabay in lagu tukado Maydka. waxa loo yeedhay Wiil kii Jaamacadda Ka soo baxay, Odayaashii reer baadiyaha ahaa waxa ay ku yidhaahdeen, Jaamiciga ayaa Salaatul Jinaasadda ina tujinaaya.

Arinku jiq ayuu ku noqday Ninkii jaamiciga ahaa, Nin qoyani biyo iskama dhawree, Salaaddii ayuu bilaabay. Afar Ragcadood Oo Rukuuc iyo Sujuudle ayuu tujiyay dadkii. Salaaddii markii laga baxay Ayuu oday , odayaashii ka mid ahaa yidhi” dee malaha Salaatal Jinaasaddu ,Rukuuc iyo Suujuud midna may lahyn.

Wiilkii Jaamiciga ahaa waxa lagu yidhi adeer Salaadda waad khaladay Misna waa lagu Qayliay. Waxa uu ku yidhi, anigaa idiin sheegaya sababta Aan sidan ugu tukaday. Marxabba ayay yidhaahdeen Reer baadiyihiina. Wxa uu ku yidhi” Dambigeedaa badnaayoo sidaanaan Rukuucda iyo Sujuudaba u raaciyay.

Jaamici aan Saaladda Jinaasadda garanayn.

W/Q:Khalid Idan Yousuf

Igu Saabsan

Mudane/Marwo, Ku soo dhawoow barta aan ku leeyahay Internetka. Magacaygu waa Khaalid Iidaan Yuusuf . Bartan waxa aan ugu talo galay in aan ku baahiyo qoraallada iyo afkaarta aan jeclahay in aan dadka la wadaago. Qoraallo isugu jira Sheekooyin, Maqaallo, Suugaan iyo Odhaaho ayaad ka dhex heli kartaa baradan. Talo, tilmaan iyo tusaale iigu soo hagaaji: kaahin124@gmail.com Barada Facebook: Khalid Idan Yuosuf